Psalms    Chapter 113   ( 150 Chapters )    Psaumes    시편    old    ( 26 Verses )

Douay-Rheims 영어성경    King James 영어성경    Louis Second 불어성경    Martin Luther 독어성경    Vulgate 라틴어성경

1 cum egrederetur Israhel de Aegypto domus Iacob de populo barbaro 2 factus est Iudas in sanctificatione eius Israhel potestas 3 mare vidit et fugit Iordanis conversus est retrorsum 4 montes subsilierunt quasi arietes colles quasi filii gregis 5 quid tibi est mare quia fugisti Iordanis quia conversus es retrorsum 6 montes sussultastis quasi arietes colles quasi filii 7 a facie Domini contremesce terra a facie Dei Iacob 8 qui convertit petram in paludes aquarum silicem in fontes aquarum 9 non nobis Domine non nobis sed nomini tuo da gloriam 10 propter misericordiam tuam et veritatem tuam ne dicant gentes ubi est Deus eorum 11 Deus autem noster in caelo universa quae voluit fecit 12 idola gentium argentum et aurum opus manuum hominum 13 os habent et non loquentur oculos habent et non videbunt 14 aures habent et non audient nasum habent et non odorabuntur 15 manus habent et non palpabunt pedes habent et non ambulabunt nec sonabunt in gutture suo 16 similes illis fiant qui faciunt ea omnis qui confidit in 17 Israhel confidet in Domino auxiliator et protector eorum 18 domus Aaron confidet in Domino auxiliator et protector eorum est 19 timentes Dominum confident in Domino auxiliator et protector eorum est 20 Dominus recordatus nostri benedicet benedicet domui Israhel benedicet domui Aaron 21 benedicet timentibus Dominum parvis et magnis 22 addat Dominus super vos super vos et super filios vestros 23 benedicti vos Domino qui fecit caelos et terram 24 caelum caelorum Domino terram autem dedit filiis hominum 25 non mortui laudabunt Dominum nec omnes qui descendunt in silentium 26 sed nos benedicimus Domino amodo et usque in aeternum

Matthew Henry's Concise Commentary

Douay-Rheims 영어성경    King James 영어성경    Louis Second 불어성경    Martin Luther 독어성경    Vulgate 라틴어성경